MRP కంటే ఎక్కువ ధరకు వస్తువులు విక్రయిస్తున్నారా? నాసిరకం ఉత్పత్తులు అంటగట్టేస్తున్నారు? అయితే ఇప్పటి నుంచి మీ ఇంటి నుంచే వినియోగదారుల కమిషన్‌ కు ఫిర్యాదు చేయొచ్చు. కేంద్ర వినియోగదారుల మంత్రిత్వ శాఖ దీని కోసం ‘వాట్సప్‌ చాట్‌ బాట్‌’ సేవలను తీసుకొచ్చింది.

కాగా, వాట్సప్‌ నంబర్‌ 88000 01915 లో తొలుత హాయ్‌ అని టైప్‌ చేయండి. అక్కడి ఇచ్చిన సూచనల ఆధారంగా వివరాలు నమోదు చేయాలి.. అనంతరం జాతీయ వినియోగదారులకు కమిషన్‌ హెల్ప్‌ లైన్‌ లో ఫిర్యాదు నమోదవుతుంది. తర్వాత.. ఈ వివరాలను కేసు పరిష్కారం కోసం సంబంధిత జిల్లా వినియోగదారుల కమిషన్‌ కు పంపబడుతుంది. నమోదైన కేసు పరిష్కారం అయ్యే వరకు అవసరమైన సలహాలు, సూచనలు ఇస్తోంది. వీటితో పటు 1800114000 లేదా 1915 నంబర్‌ కు కాల్‌ చేసి ఉదయం 8గంటల నుంచి రాత్రి 8గంటల వరకు ఫిర్యాదు చేయొచ్చు. ప్రతి రోజూ వేల ఫిర్యాదులు నమోదవుతుండగా ఇందులో పరిష్కారమైన కేసులకు సంబంధించిన వివరాలను కేంద్ర వినియోగదారుల మంత్రిత్వశాఖ https:/consumerhelpline.gov.in/ ఈ వెబ్‌ సైట్‌ లో NCH సక్సెస్‌ స్టోరీస్‌ పేరుతో పొందుపరుస్తోంది. అంతేకాకుండా, నేరుగా పబ్లిక్ రిలేషన్ AP జాయింట్ సెక్రెటరీ 9133366449 కు కూడా ఫిర్యాదు చేయొచ్చు.